Berlobi

Ur c'hi maget mat
Dastumad danevelloù skrivet get Daniel DOUJET
embannet e 2000 get Al Lañv

Marv eo Marcel Le Feubvre e-pad ar brezel 1939-1945. E Boursoulle-sur Flume eo bet ar c'hentañ hag an hani nemetañ "marv  evit ar vro". Hanter kant vlez goude emañ bodet tud ar gumun evit selaou prezegenn ar maer en enor da Varcel.

Mes hir eo ar brezegenn, tommañ a ra ar muskadig ha ma ne vehe ket bet Marcel an haroz diskrivet get an Aotrou Maer ?

Fentus bras eo gwelout ar pezh 'vez soñjet get an dud a-geñver get ar pezh vez lâret en un doare ofisiel. Ne oa ket evit selaou ar jeneral e oa bet prenet ur radio get Marcel mes evit selaou muzik. Pegen pilpous eo an dud!
Un ton mousgoapus hag un sujed sirius (ar brezel, ar marv) a ra un istoar get lan a startijenn.
Ar fent du zo amañ e pep kendestenn hag achuet 'vez get ar sujed pouezusañ : ar muskadig. Daet eo da domm a-benn ar fin ! (Maud)

Ur c'hi maget mat
Dastumad danevelloù skrivet get Daniel DOUJET
embannet e 2000get Al Lañv

Kadoer ar Markiz

Pedet en doa François le Barz e vibien evit lidiñ e zeiz-ha-bloaz. Arlerc'h bout debret ar verenn e tiviz François mont da vale tro-dro kaodoù Pontkalleg en e-unan peogwir ne c'hell ket Anna, e vaouez, mont getañ. N'arruo e vibien nemet tro c'hwec'h eur, amzer en deus da bourmen e-raok.

Pasiñ a ra dre vourc'h Ploue ha parkiñ a ra e garr e-tal Chapel-ar-C'hoad, tost doc'h maner Pontkalleg. Divizout a ra mont er c'hoad e-lec'h ober tro ar park pe ar lenn. Bale a ra un hantereuriad. E kreiz ar c'hoad ema-eñ bremañ hag ul levr bihan a zo getañ. Klask a ra ul lec'h evit azeziñ. Aze e wela ur maen bras. Dre forzh lenn al levrioù kozh e ouia mat penaos ema anvet ar maen-se "Kadoer ar Markiz". Ur paz a ra neuze evit azeziñ mes strebotiñ a ra. Koll a ra e anaoudegezh... (Alexandre)

Ur c'hi maget mat
Dastumad danevelloù skrivet get Daniel DOUJET
embannet e 2000 get Al Lañv

El un arall

Mario Kressler a zo ur gwerzhour urzhiataerioù e Ludwighaffen e bro-Alamagn. Beviñ a rae trankilik get e wreg hag e zaou vugel bihan, betek an deiz m'en deus adkavet e di goullo é tonet en dro a albourat. Ne oa mui nag arrebeuri, na chupenn, na mantell, na gwreg, na bugale. Dre chañs e kavas ur baperennig bihan skrivet àrnezhi get skritur e vaouez :

"Chañs vat deoc'h, ma hani-me a glaskin pelloch'.
Re ziaes e vehe displeg deoc'h.
Pokoù. Anjelika"

Kollet penn da benn eo Mario ha divizout a ra kousket en ur c'horn en ur c'hortoz an deiz. Antronoz vintin eo beuzet en e soñjoù du ken ma ne ya ket da labourat. Neuze e tec'h kuit get e oto...

Plijet on bet get an danevell-mañ. Gwir eo ne oa ket fent du, ar pezh a c'hortozomp en ul levr seurt-mañ, mes plijus eo peogwir en em stagomp doc'h an haroz, ar pezh a ro ar from. Iplij ar flemm-skeudennoù a zo farsus ivez, addizoloiñ lec'hioù e anavezomp, kêrioù evel Lann-ar-Stêr gwelet get Daniel Doujet, flemm-skeudennet e doare "Stalinegrad" get anvioù ar straedoù hag ar balioù... (Roderig)

Ur c'hi maget mat
Dastumad danevelloù skrivet get Daniel DOUJET
embannet e 2000 get Al Lañv

N'eus nemet hanter zroug

Kontet 'vez istoar Mikel, ur paotr n'eo ket dedennet gant ar c'hiz. Trawalc'h eo evitoñ botoù-nevez bep dek vloaz hag ar memes botoù ma vez posubl hag ur blue-jean bep blez, ar memes ivez.

Un deiz, pa oa Mikel ec'h ober un test e-barzh "an Novel Obs" evit gouiet ma oa-eñ un "obsédé sexuel" 'el ma vez lâret e-barzh an danevell, e arru e vaouez evit goulenn getoñ  pegourz e yay da breniñ botoù nevez.

Divizet eo mont da greisteiz da breniñ ar botoù-nevez milliget-se. (Arthur)

Titl an danevell en deus roet din ar c'hoant da lenn peogwir e kase dija ur seurt fent du hag a oa fent du evit gwir a-benn ar fin. D'am soñj e-barzh an danevell en deus Daniel Doujet krouet Mikel un tamm 'eltoñ, an dra en deus lakaet din da soñjal an dra-se a zo er pennad : "Goude kreisteiz n'hellan ket, un istor am eus da echu evit Al Lañv ha din eo d'ober ar pennad-stur an taol-mañ ha..." Marteze n'eo ket dedennet gant ar c'hiz ivez. Mes n'eus ket kollet e zivhar e-pad ur stok get ur c'harr d'am soñj! :-)
Plijus eo an danevell da lenn, aes e oa da gompren nemet pand eo diskrivet Mikel e-barzh an ospital a gav din. (Arthur)

Choajet 'm eus an istoar-mañ peogwir e oa sebezus a-walc'h an titl-se. Komañset 'm eus da lenn ha plijadur am eus bet memes ma ne garan ket ar fent du a oa a-barzh. Engortozet am boa e vehe bet enoeus da lenn mes iskis oa, c'hoant 'm boa kavout muioc'h da lenn. Er fin e oa re verr an istoar. Aes oa da gompren. Ur fin droch a oa evel just mes mousc'hoarzhet 'm eus un tammig memestra. (Naig)

Ur c'hi maget mat
Dastumad danevelloù skrivet get Daniel DOUJET
embannet e 2000 get Al Lañv

Ar c'hi maget mat 

En danevell e vez kontet istoar Jañ-Mari Bouter, un den kozh a vev get e gi en un ti kozh savet get an Amerikaned e pad an eil brezel bed. An den–se n’en deus kar ebet : dilezet eo bet get e vaouez ha marv eo e dad « Paotr ar C’hoad » boureviet get an Alamaned e-pad ar brezel. Sistr Du ‘vez graet anezhañ kar evet a ra re.
Bemdez e ya Jañ-Mari da glask traoù da zebriñ evit e gi e ti ar boser hag ar mrc’hadour legumaj. Un deiz e varv ar c’hi…

Plijet on bet gant an danevell-mañ mes muioc’h oan bet get « an den an ouie ket neuial ». Un tamm diaes da lenn em eus kavet, diaes da gompren. Ar fent du en deus c’hoazh plijet din. (Elsa)

Skrivet en ur feson fent du, danevell Daniel Doujet a chañj ag ar pezh e vez posupl da lenn. Ni zo souezhet betek fin an danevell da lenn traoù ken spontus. An efed produet a ro ar c’hoant da lenn an danvelloù aralll evit bout spontet ha souezhet c’hoazh. (Killian)

Ur c'hi maget mat -
Dastumad danevelloù skrivet get Daniel DOUJET
embannet e 2000 get Al Lañv

Lakait unan arall da Job !

Erru a rae Job, evel bemdez, betak tavarn Dede Tangi evit evañ ur banne (pe muioc’h ? !) hag evit adkavout e vignoned. Dre forzh evañ en doa-eñ tapet liv ar gwin : ruz e oa e zremm !
E gwirionez, lipat ar bont a oa e blijadur. Ne gare ket an tele, ne gare ket ar foot, met evañ a rae forzh pegement, setu tout.
En davarn e komze a draoù ar vuhez bemdez, ar familh…
Un deiz e oa Job laouen-tre, laouenoc’h evit kustum, e kanal kanaouennoù e brezhoneg. Dont a reas fonnapl da vout poazh mat.
Fin an devezh e oa ha pep unan a adkavas e diegezh Met Job a c’houlennas en-dro ur voutailhad, unan c’hoazh !
A-benn ar fin e yeas kuit ha kemer a reas e vobilet. E vrañsellat hag é vonet a-gleiz hag a-zehoù e oa àr an hent. Unan a lâras « Eurüs a-walc’h e anav mobilet Job an hent ! » (Lenaig)
Ha petra az c’hoarvezo da Job ?

Setu c’hoazh un danevell leun a fent du ! E-barzh e vez kavet temoù ar marv hag an alkol. Bourrapl em eus kavet anezhi peogwir eo skaénv hag aes da lenn. Met memestran petra «’zo e-barzh penn aotrou Doujet evit ijiniñ sort istorioù ? ? (Lenaig)

Un danevell koantig eo. Kemeret eo ar fed da eviñ get mousfent. Un tammig ‘el un hengoun e kreiz ar vro a seblanta bout. Met pouezus eo chom hep kemer an doare-se da welout an alkol get siriusted peogwir eo un tammig grevus memestra bout ul lonker. (Ewen)