Berlobi

Ar c'hi maget mat (2) - ar c'hi maget mat

Tue, 09 Feb 2010 11:02:57 +0100

Ur c'hi maget mat
Dastumad danevelloù skrivet get Daniel DOUJET
embannet e 2000get Al Lañv

Ar c'hi maget mat

En danevell e vez kontet istoar Jañ-Mari Bouter, un den kozh a vev get e gi en un ti kozh savet get an Amerikaned e pad an eil brezel bed. An den–se n’en deus kar ebet : dilezet eo bet get e vaouez ha marv eo e dad « Paotr ar C’hoad » boureviet get an Alamaned e-pad ar brezel. Sistr Du ‘vez graet anezhañ kar evet a ra re.
Bemdez e ya Jañ-Mari da glask traoù da zebriñ evit e gi e ti ar boser hag ar mrc’hadour legumaj. Un deiz e varv ar c’hi…

Plijet on bet gant an danevell-mañ mes muioc’h oan bet get « an den an ouie ket neuial ». Un tamm diaes da lenn em eus kavet, diaes da gompren. Ar fent du en deus c’hoazh plijet din. (Elsa)

Skrivet en ur feson fent du, danevell Daniel Doujet a chañj ag ar pezh e vez posupl da lenn. Ni zo souezhet betek fin an danevell da lenn traoù ken spontus. An efed produet a ro ar c’hoant da lenn an danvelloù aralll evit bout spontet ha souezhet c’hoazh. (Killian)

Comments

ur c'hi maget mat (1)- Lakait unan arall da Job !

Tue, 09 Feb 2010 10:43:04 +0100

Ur c'hi maget mat -
Dastumad danevelloù skrivet get Daniel DOUJET
embannet e 2000get Al Lañv

Lakait unan arall da Job !

Erru a rae Job, evel bemdez, betak tavarn Dede Tangi evit evañ ur banne (pe muioc’h ? !) hag evit adkavout e vignoned. Dre forzh evañ en doa-eñ tapet liv ar gwin : ruz e oa e zremm !
E gwirionez, lipat ar bont a oa e blijadur. Ne gare ket an tele, ne gare ket ar foot, met evañ a rae forzh pegement, setu tout.
En davarn e komze a draoù ar vuhez bemdez, ar familh…
Un deiz e oa Job laouen-tre, laouenoc’h evit kustum, e kanal kanaouennoù e brezhoneg. Dont a reas fonnapl da vout poazh mat.
Fin an devezh e oa ha pep unan a adkavas e diegezh Met Job a c’houlennas en-dro ur voutailhad, unan c’hoazh !
A-benn ar fin e yeas kuit ha kemer a reas e vobilet. E vrañsellat hag é vonet a-gleiz hag a-zehoù e oa àr an hent. Unan a lâras « Eurüs a-walc’h e anav mobilet Job an hent ! » (Lenaig)
Ha petra az c’hoarvezo da Job ?

Setu c’hoazh un danevell leun a fent du ! E-barzh e vez kavet temoù ar marv hag an alkol. Bourrapl em eus kavet anezhi peogwir eo skaénv hag aes da lenn. Met memestran petra «’zo e-barzh penn aotrou Doujet evit ijiniñ sort istorioù ? ? (Lenaig)

Un danevell koantig eo. Kemeret eo ar fed da eviñ get mousfent. Un tammig ‘el un hengoun e kreiz ar vro a seblanta bout. Met pouezus eo chom hep kemer an doare-se da welout an alkol get siriusted peogwir eo un tammig grevus memestra bout ul lonker. (Ewen)

Comments

Tristidigezh ar C'helt

Wed, 03 Feb 2010 16:34:35 +0100

Yaouank on. N'em eus ket c'hoazh gwelet ugent hañv.
An heol tro-ha-tro din a skuilh e vannoù-tan
Ar bleuñv àr an avel a zegas din o c'hwezh
Ha neoazh me zo leun a velkoni dalbezh
Perak 'ta ? Doue a oar. Pa grouas ar Breton,
Eñ 'lakaas an dristez da chom en e galon.

Degouezhet on en oad e vourrer é veviñ,
É redek ar parkoù, é c'hoari, é kaniñ,
En oad na soñj nag e bez na e maen,
Nag e stêr ar vuhez ken fonnus é tremen...
E kreiz ma flijadur, neoazh, ankeniet on :
Doue 'lakaas an dristez e kalon ar Breton.

An dud tro-ha-tro din a c'hoarzh d'an nevez-hañv;
An eostig àr ar barr a lar e son vravañ,
Razh an evned a strew o fozioù gwiv en aer.
Met me pa gemeran ma zelennig dister,
Hirvoudiñ 'ra bepred, ne oaran 'met un ton :
Doue 'lakaas an dristez e kalon ar Breton.

Pep tra a rankehe gober din levenez :
Yaouankiz ha frankiz bleuñv er prad, heol en ne,
Petra 'zo ret muioc'h 'vit em anviñ eürus ?
Ha neoazh, ar bed-mañ ne gavan ket bourrus,
Un dra bennak atav 'm eus diouer dezhoñ :
Doue 'lakaas an dristez e kalon ar Breton.

O ma Doue, an dra-se a vank d'am c'hoantoù-den
C'hwi eo ! Rak 'ar an Douar ne reomp nemet tremen,
Rak n'eo ket evitoñ 'mañ graet hor c'halonoù...
Met pa welimp é tont karrig-gwenn an Ankoù
'Vit hon dougen du-hont, ganeoc'h, 'barzh an ne don :
Neuze 'vo levenez e kalon ar Breton !

Yann-Bêr Kalloc’h
1904

Comments